Bibelkveldar: Guds store plan

Paulus sitt brev til efesarane legg an det store perspektivet og snakkar om kva som er Guds store, overordna plan. Om du har lyst til å vere med og gå nærmare inn i kva Bibelen seier, så har vi ei serie av samankomstar våren 2023, der vi les i Bibelen saman og diskuterer. Ope for alle, kom og vert med!

Bibelkveldar: Guds store plan

Over åtte kveldar denne våren vil vi saman studere Paulus sitt brev til efesarane, også kjent berre som Efesarbrevet. Vi tek føre oss ein bit kvar kveld.

Efesarbrevet

Ulikt ein del andre av Paulus sine brev, synest ikkje dette å vere retta mot ein spesiell situasjon i bestemte kristne forsamlingar. I staden legg det an eit stort perspektiv og snakkar generelt om kva som er Guds plan for sitt skaparverk og korleis Gud gjennomfører denne.

Ein del kommentatorar trur at brevet eigentleg er meint å sirkulere mellom fleire kristne forsamlingar i det som i dag er det vestlege Tyrkia. Det var antakeleg ikkje meint berre til dei kristne i byen Efesus, men også på forskjellige stadar rundt Efesus.

Brevet kan veldig grovt sett delast i to:

  • I kapittel 1–3 snakkar Paulus om kva den treeinige Guds hensikt er og korleis Gud gjennomfører denne. I kapittel 1 handlar det mest om Gud skaparen. I kapittel 2 handlar det mest om Jesus. I kapittel 3 handlar det mest om Den Heilage Ande.
  • I kapittel 4–6 snakkar Paulus om dei truande og korleis dei kan leve etter Guds plan. Einskap er heile tida viktig. Vi er ikkje berre individuelle truande, men høyrer saman i eit fellesskap. I denne delen har vi også ei såkalla hustavle, som har vore og er gjenstand for mykje diskusjon.

Samlingane

Vi tek sikte på å ha samlingar annakvar veke på tysdagskveldar utover våren, i håp om at det passar for flest muleg:

  • Tid: Annankvar tysdag frå 17. januar, kl. 18:30–20:30. Vi avsluttar evt. før viss vi synest ferdige.
  • Stad: Møteromet i kontorfløya i Solheim kyrkje, Hordagt. 28. Gå inn hovudinngangen til kyrkja, inn i kyrkjeromet, og gjennom døra til kontorfløya.

Samlingane vil verte leia av meg, Knut Kvalsvik. Vi les kvar vår bit av bibelteksten vi skal snakke om, og eg har så ei innleiing. Deretter har vi diskusjon der alle kan kome med sine bidrag. Men om du helst berre vil høyre på, så er det ope for det også. Du kan vere så aktivt deltakande eller passivt lyttande som du ynskjer.

Vi vil også be litt saman, og kanskje syngje litt viss der er stemning for det.

Ta med eigen bibel om du kan! Det er også muleg å lese Bibelen på mobil.

Alle kan vere med. Velkomen!

Dele-knapper kan ikke vises uten at du samtykker til bruk av funksjonelle cookies. For å gjøre dette må du trykke på knappen helt nederst i venstre hjørne og marker sjekkboks for funksjonelle cookies og deretter klikke på \"Oppdater samtykke\". Evt. klikk på \"Godta alle cookies\" for å godta alle kategorier av cookies. Deretter må du laste siden på nytt.

Beklager, men vi kan ikke finne din posisjon pga instillingene i nettleseren din. Du må tillate autolokasjon for å kunne benytte denne funksjonaliteten:

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"