I Arna kyrkjelyd legg vi til rette for at alle som ønskjer det, kan få vera med i eit mindre fellesskap -
Husfellesskap - i tillegg til gudstenestefellesskapet.
- Husfellesskapa har som program at dei skal vera livsnære. Det inneber at dei har som mål å angå livet og kvardagen.
- Eit Husfellesskap er ein stad der det mogeleg å snakka om tru og truserfaringar.
- Husfellesskap samlast regelmessig i private heimar - enten i same heimen kvar gong, eller hos (somme av) gruppemedlemane etter tur.
- Husfellesskap er forpliktande. Medlemane prioriterer samlingane høgt. Sjølvsagt er det mogeleg å slutta i et husfellesskap, men så lenge ein er med, er ein med. Dei fleste gruppene våre møtest kvar 14. dag.
- Husfellesskap har 2 brennpunkt: Bibelen og livet. Ein snakkar saman om livet og kvardagen med Bibelen på bordet. I møte med bibel-teksten er spørsmålet: På kva måte angår dette meg? På kva måte hjelper denne bibelteksten meg å leva i kvardagen?
- Husfellesskap er vekstgrupper—dobbel meining:
- Det er stad for åndeleg vekst.
- Men gruppa har også ein “ledig stol”, og det er mogeleg å invitera inn nye medlemar. Dersom gruppa vert for stor, kan ho delast ved at somme av medlemane dannar ei ny gruppe. - Husfellesskap står i samanheng med gudstenesta. Det inneber at det vanlegvis er samanheng mellom det ein har føre seg i gruppene og det gudstenesta sundagen før eller etter, handlar om. Til enkelte gudstenester blir det utarbeidd samtaleopplegg. Ofte er ei gruppe vertskap for ein enkel kyrkjekaffi. Somme tider kan dei òg ha andre oppgåver i gudstenesta.
- I eit Husfellesskap skal medlemane få tena kvarandre "kvar med den nådegåve han har fått" (1 Pet 4,10), og medlemane interesserer seg for kvarandres kvardag.
Har du lyst å vere med i eit husfellesskap? Ta kontakt med Nina Hjort Zinke 975 97 732
Ei samling i eit husfellesskap kan til dømes gå føre seg slik:
- Sosialt fellesskap over eit enkelt måltid mat (30 min).
- Tilbeding, lovsong og takk til Gud (15 min).
- Fokus på Guds ord. Målet er ikkje berre auka kunnskap, men vekst og utvikling. Deltakarane skal hjelpa kvarandre til å veksa som Jesu læresveinar (45 min).
- Bøn for og med kvarandre. Her fokuserer vi på livet og kvardagen: Det som tyngjer og det som gir oss glede, eller på tema vi var inne på i samtalen (30 min).
Fokus på ting utanfor gruppa. Det er også eit mål at den enkelte skal utvikla seg når det gjeld å nå ut til andre. Difor kan ein òg bruka tid på å snakka om, førebu, eller be for, aktivitetar utanfor gruppa: Kva skal vi bidra med i gudstenesta, korleis etablera kontakt med andre og invitera dei til fellesskap, kva kan gruppa bidra med inn i Hjartebanken .......?