Enkelte tiltak kunne Ingeborg Magerøy og hennar kollega Alexander Myrseth gi grønt lys for der og då. Dette gjaldt til dømes isolering av tønnehvelvet i kyrkja, og etablering av vannbåren varme som oppvarming i kyrkjerommet.
Andre tiltak måtte riksantikvaren ta med seg tilbake over fjellet og grunne nærare på saman med fleire fagpersonar. Dette gjaldt typisk tiltak som handlar om endring av prinsipp for gamal byggeskikk. Som døme kan nemnast takløysing med lufta to-trinns tetting, som vil heve taket nokre centimeter i høvet til dagens høgde, og det å legge vindsperre i veggane.
Riksantikvaren lova å komme tilbake med svar innan kort tid.
