Kyrkjeklokkene ringer på kong Haralds gravferdsdag
9. september, på dagen for gravferda til kong Harald V, ringer kyrkjeklokkene. Først for å minnast kong Harald V. Deretter i bøn for vår nye konge, Hans Majestet Kong Haakon VIII.
Klokkeringinga skjer i kyrkjer over heile landet.
Klokkene ringde også i ein time same dag som kong Harald døydde. Dette følgde same mønster som då kong Olav døydde i 1991.
Eitt minutts stille for kong Harald
Like før klokka slår 13.00 på gravferdsdagen, lyder tre klokkeslag frå kyrkjene over heile landet. Deretter følgjer eitt minutts stille for kong Harald V. Stilla blir avslutta kl. 13.01 med tre nye klokkeslag.
Ein time med klokkeringing i bøn for kong Haakon
På ettermiddagen, når seremonien ved gravstaden i Akershus slottskirke er ferdig, vil kyrkjeklokkene over heile landet igjen lyde. Denne gongen ringer klokkene samanhengande i éin time når kong Haakon trer fram som Noregs nye konge.
I dei kyrkjene der det er arrangement rundt denne tida, vil kyrkjeklokkene ringe i 15 minutt.
Gravferda på storskjerm
Fjell kyrkje: Soknerådet i Fjell har bestemt at gravferda blir vist på storskjerm i kyrkjelydssalen i Fjell kyrkje onsdag 9. september kl. 13.00. Delar av sokneteamet i Fjell vil også vere til stades. Her er det høve til å følgje gravferda saman med andre.
Foldnes kyrkje: I Foldnes kyrkje blir gravferda vist etter Open lunsj i kyrkjestova. Det betyr at dei som ønskjer det, kan kome til open lunsj først og deretter bli verande for å følgje gravferda i fellesskap.