Kor mykjepengar kan forsvinne frå kontoen din kvar månad utan at du merkast ved det? 50 kroner? 100,-? 500,-? 1000,- Eller meir?
Uansett kva svaret er - kyrkjelyden treng nye faste gjevarar. Du er kanskje ein av dei som er utfordra på slike teneste før, men så har det ikkje blitt noko av det. Mitt lille bidrag betyr så lite... Eller det har vore tungvint å få det til. Det er framleis behov for ditt bidrag - stort eller lite.
Soknerådet har ein draum om å halde innsatsen oppe på barnearbeid, ungdomsarbeid, kyrkjeleg omsorg/diakoni, musikk. kulturarbeid, mediearbeid og trosopplæring.
Vi har eit fantastisk kyrkje- og kultursenter i TUNET.
I vanlege tider er det kvar veke fleire hundre personar innom Tunet eller kyrkjene våre. Dei delktek i kor, Ungdomstunet, TenSing, konfirmasjonsarbeid, speidar, Koinonia, TITT og andre møter og foreiningar- og ikkje minst gudtenester.
Kommunne og stat bidreg med midlar til drift av kyrkjer, gravplasser og naudsynt mannskap til forvalting og drift av kyrkjene.
Men det er vi, kyrkjelyden, som må bidra til å få til eit rikt og variert kyrkjelydsarbeid. Dei fleste av oss har råd til eit bidrag.
Renter og avdrag utløyser trong for ei raus gjevarteneste for at vi ikkje skal redusere innsats på viktige områder.
Målet for 2021 er å få 500 000 kroner i private gåver. Då kan vi betale avdrag og renter på lånegjelda på Tunet, med god føreseielegheit og fin kontinuietet og vere trygg for at alle aktivitetane kan fortsette som før.
Du kan få frådrag i skattepliktig inntekt når du gjev pengegåver i storleik 500 kroner og opp til 25.000 kroner.
Du kan teikne deg for fast gjevarteneste her. Du må kvittere med Bank ID, så ha minnebrikke eller mobil tilgjengeleg.
Du kan gje einskildgåve med Vipps til 20250 og skrive gåve til TUNET.
Du kan sette opp fast trekk i nettbanken din til konto 3201.53.23506.
Eller du kan kome innom kyrkjekontoret og fylle ut skjema for avtalgiro.
Oppseiing av avtale:
Det er inga bindingstid og om du ønskjer å stoppe avtale om fast trekk, ta kontakt på tlf 56 57 24 13 eller epost post.os@kyrkja.no.
TAKK FOR GÅVE – TIL FELLES GLEDE OG VEKST FOR TUNET kyrkje- og kultursenter I OS