Nyhetsarkiv

• 28.9.2026

  Møte om gravferd for trus- og livssynssamfunn

  I tråd med gravplasslova § 23 inviterer gravplassmyndigheita i Luster, Lærdal, Sogndal, Vik og Årdal representantar frå trus- og livssynssamfunn som er verksame i kommunane, til møte om korleis behova deira ved gravferd kan ivaretakast. Møte vert på Stedjetunet i Sogndal, torsdag 29. oktober kl. 17.00. Påmelding innan 26. oktober til post.sogndal@kyrkja.no.

• 4.9.2026

  H.M. Kong Harald si gravferd 9. september

  Kyrkja i Lærdal vil i samarbeid med Lærdal kommune leggje til rette for ei felles markering for alle som ønskjer å ta del i denne dagen. Difor opnar me dørene til kultursalen under gravferda til Hans Majestet Kongen. Kultursalen opnar kl. 12.00, og me inviterer innbyggjarane til å samlast for å følgje sendinga på storskjerm. Dette vert ei høgtideleg stund der me kan vere saman i respekt, ettertanke og fellesskap. Alle er hjarteleg velkomne. Kyrkjeklokkene vil også denne dagen ringe for å minnast kongen vår.

• 1.9.2026

  Aslak - nytilsett organist i Lærdal

  Aslak Grøseth Pedersen tok til i stillinga som organist 17. august, og har allereie spelt både i gudsteneste og gravferd. Han er tilsett som organist i 50 % stilling i Lærdal og 30 % stilling i Årdal. Aslak kjem frå Skien og har master i utøvande klassisk musikk med piano som hovudinstrument. Me er svært glade for å få plass fast tilsett organist i staben.

• 

  I sorg og takksemd markerer vi H.M. Kong Harald sin bortgang

  I samband med dødsfallet til Kong Harald i dag 28. august vert det klemta med kyrkjeklokkene i mange av kyrkjene i Noreg, også i Lærdal. Det vert klemta med klokkene i ein heil time frå kl. 12.00 til 13.00. Hauge kyrkje er open for lystenning og stille i dag kl. 11.00-13.00, søndag 30. 8 kl. 17.00-18.00 og mandag 31.8 kl. 12.00-13.00. Kondolanseprotokollen vert liggande i kyrkja fram til gravferdsdagen. Hauge kyrkje vert open med høve til å skrive i kondolanseprotokollen følgjande datoar fram til gravferdsdagen til H.M. Kong Harald: 3.9, 4.9 og 8.9 kl. 12.00-15.00. Søndag 6.9 er det gudsteneste kl. 15.00 og kyrkja er open frå kl. 14.00-17.00.