Dagens bibelord
1. Korintar 15,35–45
Dagens bibelord 01.10.2025
35 Men no kunne nokon seia: «Korleis blir dei døde reiste opp? Kva slag kropp har dei?» 36 Å, uvituge menneske! Det du sår, gjev ikkje nytt liv utan at det døyr. 37 Og det du sår, er ikkje det akset som veks opp, men eit nake korn, anten det er av kveite eller av anna såkorn. 38 Men Gud lèt det få den skapnad som han har vilja, kvart slag korn sin eigen skapnad.
39 Ikkje alt kjøt er av same slag. Det er eitt slag kjøt i menneske, eitt i fe, eitt i fugl, eitt i fisk. 40 Og det finst himmelske kroppar og jordiske kroppar; ein glans har dei himmelske, ein annan dei jordiske. 41 Ein glans har sola, ein annan har månen og ein annan stjernene. Den eine stjerna lyser med klårare glans enn den andre.
42 Slik er det òg med oppstoda frå dei døde. Det som blir sådd, er forgjengeleg. Men det som blir reist opp, er uforgjengeleg. 43 Det blir sådd i vanære, det blir reist opp i herlegdom. Det blir sådd i vanmakt, det blir reist opp i kraft. 44 Det blir sådd ein kropp som hadde sjel, det blir reist opp ein åndeleg kropp.
Så visst som det finst ein kropp med sjel, finst det òg ein åndeleg kropp. 45 Slik står det skrive: Det første mennesket, Adam, vart til ei levande sjel. Den siste Adam vart ei ånd som gjev liv.
Kilde: www.bibel.no