Nyhende

Open kyrkje - torsdag 6. november kl. 18.00
31.10.2025
Du er hjarteleg velkomen til open kyrkje torsdag 6. november kl. 18.00–19.30. Der kan du tenna lys, ta deg tid til ettertanke og bøn, snakka med nokon, eller berre finna roen i dette heilage rommet. Det blir eit lite innslag med tekst og musikk mellom kl. 18.30 og 18.45 ved Marie Willemse og Tom Rydland. Arrangør: diakoninemnda i Fitjar.
EIN SEINKVELD I KYRKJA
28.10.2025
Me vil invitere alle som er i 6. trinnet til å vera med på Lys Vaken 15. og 16. november i Fitjar kyrkje.
Open kyrkje - kvelden før helgemessesøndag
27.10.2025
Familie og pårørande som har mista nokon dei var glade i det siste året, har fått invitasjon til open kyrkje laurdag 1. november kl. 18.00–19.00. Her vert det eit enkelt program med musikk, diktlesing og song. Vi vil lesa opp namna på dei det er halde gravferd for sidan førre helgemesse, og tenna lys. Arrangementet er ope for alle som har høve til å koma.
Temakveld i Fitjar kyrkje - torsdag 30. oktober kl. 19.30
24.10.2025
Det vert temakveld i Fitjar kyrkje torsdag 30. oktober kl. 19.30. "Fredfylt i kyrkja" - konsert v/ Tore Hegdahl og Ole Jakob Hystad. Inngang kr. 200,-. Arr. temakveldgruppa.
Kyrkjebladet oktober 2025
22.10.2025
Det tredje nummeret av kyrkjebladet i år er distribuert til husstandane i Fitjar. Om du ikkje fekk bladet kan du ta med eit blad frå kyrkja. Du finn også bladet som vedlegg i dette oppslaget.
Open kyrkje hausten 2025
13.10.2025
Du er hjarteleg velkommen til open kyrkje første torsdag i månaden. Der kan du tenna lys, ha tid til ettertanke og bøn, snakka med nokon eller berre finna roen i dette heilage rommet. Lite innslag (tekst/musikk) mellom kl. 18.30-18.45. Arr. diakoninemda i Fitjar.
Fitjarhelg på Solgry 24.-26. oktober 2025
9.9.2025
Fitjar indremisjon og Fitjar kyrkje inviterer til Fitjarhelg på Solgry 24.-26. oktober 2025. Det blir ulike samlingar, for små og store, både inne og ute, og på tvers av generasjonar. Alle er velkomne!
Barn og unge i kyrkja
23.6.2025
Til hausten er det fleire ting på programmet for barn og unge i kyrkja vår. Ta ein kikk i oversikten og sjå om det er noko for ditt barn/ungdom. Kanskje er det noko for deg som har lyst å vere med som leiar i barn og ungdomsarbeidet?
Bli med på gjevartenesta og støtt trusopplæringa
7.4.2025
Bli med på gjevartenesta og støtt trusopplæringa i Fitjar kyrkjelyd. Dei siste åra har Fitjar sokneråd satsa sterkt på trusopplæring for barn og unge i kyrkjelyden. Frå bispedømet får me tilskot til å dekka ca. 40% stilling som trusopplærar, men ved hjelp av lokal finansiering har me greidd å auka stillinga til 90%. Dette har opna for eit arbeid med stor breidde og høg kvalitet. Randi Lønning Matre, som har ansvar for trusopplæringa, er ein svært dugande medarbeidar. Gjennom året gjennomfører ho og sokneprest Olav Oma, saman med gode frivillige medarbeidarar, mange kjekke aktivitetar for dei unge.
Parkering Fitjar kyrkje
3.4.2025
Ved store arrangement i kyrkja og på bedehuset kan det bli knapt med parkeringsplass. For at ikkje bonden på Fitjargarden skal få skadar på avling og andre ulemper, må me be om at det ikkje vert parkert på bakken eller langs vegen. Det er som regel ledige parkeringsplassar i sentrum. Takk for at de tek omsyn.

Se instruksjoner for din nettlester under:

Internet explorer

Internet options / Privacy / Location / klikk på "Clear sites"

Chrome

Settings / Advanced / Priacy and security / Content settings / Location -> Fjern "kirken.no" fra blokkert-lista

Firefox

Options / søk etter "location" / settings / Fjern "Kirken.no" fra blokkert

Safari

Settings for this website / Location -> "Allow"