9.-24. september kjem biskopen vår, Solveig Fiske til Etnedal. Ho har vore her både på kyrkjelydsfest og jubileum før, men dette er hennar fyrste visitas sidan ho tiltrådte embedet som biskop i Hamar i 2006.
Tenesteområdet omfattar både Hedmark og Oppland, så det er stort og mangfaldig. Biskopen har tilsyn med alle tilsette og alle kyrkjelydar i sitt bispedømme. Med tilsyn meinast at biskopen skal sjå etter at alt fungerar som det skal rundt om i kyrkjelydane. Alle tilsette i kyrkja, utanom presten, har det lokale kyrkjelege fellesrådet som arbeidsgjevar. Presten har bispedømmerådet som arbeidsgjevar.
Solveig Fiske er ein uredd kyrkjeleg leiar , ho står frimodig opp for evangeliet og særlege saker ho brenn for, så som fattigdomsbekjemping, flyktningar, rettigheitar for homofile eller overgrepssaker. Solveig møter menneske med tillit og omtanke, er raus og syner stor respekt også når ho møter menneske som ikkje delar hennar teologiske syn.
Under visitasen har biskopen møte med alle kyrkjeleg tilsette, dei kyrkjelege råda, Bruflat sokneråd, Nord-Etnedal sokneråd og Kyrkjeleg fellesråd. Dessutan skal ho ha møter med kommunen, skule og barnehage og eitt at hovedmåla for visitasen er å støtte, inspirere og veilede kyrkjelydar og tilsette, og gjere kyrkja sitt nærvær synleg i lokalsamfunnet. (Sjå for øvrig utdrag frå visitasreglementet)
Vi tek med respekt og glede imot biskopen vår, og vonar at mange vil finne vegen til kyrkjene særleg på gudstenestene, men også på morgonsamlingane tysdag og torsdag. Høgdepunktet er visitasgudstenesta, som er felles for Bruflat – og Nord-Etnedal sokn.
Konfirmantane våre blir presentert, og 10/11-åringane i Etnedal, som går i 5. klasse, får bibel frå kyrkjelydane.
Etter gudstenesta blir det servering på Bruflat menighetshus, og biskop Solveig Fiske vil halde visitasforedraget sitt, med utfordringar til kyrkjelydane i Etnedal.
Marit prest