Framfor ei fullsett kyrkje fekk Tone Marit avleggja prestelovnaden. 
Ramma for innhaldet i denne dagen kunne ikkje passa betre, sidan ho fekk preika over Jesu likning om det store gjestebodet. «Gå ut og hent inn folk av alle slag slik at huset mitt kan bli fullt…»
Etter gudstenesta var det laga til nok eit gjestebod i samfunnshuset. Festen var prega av god mat, god stemning og mange helsingar til ordinanden. Dette vart ein dag som både vart verdig og laussluppen. For å bruka Tone Marit sine eigne ord og sin første setning på talarstolen som ordinert prest: «Fyttigrisen for ein dag!»