Stein Hugo Fykse fekk ha si første gudsteneneste her, og det var ei familiegudsteneste med utdeling av bøker til 3- og 4-åringar. Gudstenesta starta med inngangsprosesjon der Amelie og Lilli bar korset først. Bak kom Stein Hugo og prosten, for det er vanleg at prosten er med når ny prest skal innsetjast. Øystein Skauge er inne som vikar for prost Helge Taranrød akkurat no. Etter soknerådsleiar Helge hadde lest brev frå biskopen, så var det Øystein Skauge sin tur. 
Han hadde ein fin tale der han ønskte Stein Hugo lukke til i tenesta. Han er vikar for prosten vår Helge Taranrød som har permisjon. Litt ut i gudstenesta var det borna som var i fokus. Jostein leste frå 4-årsboka som ei del av preika, og Stein Hugo fortalte om dåp, nattverd og bibelen. Etterpå var det spente born som kom fram for å få si eiga bok. Gleda var stor.
Etter gudstenesta var alle invitert bort i kyrkjelydshuset for å fortsette feiringa av vår nye sokneprest. Her vart det servert betasuppe og lefser. Me song i lag, praten gjekk godt, og me fekk høyre både frå stab, prost og prest. Me ser fram til mange fleire gode stunder i lag.