"En pilegrim i Valdres har såre føtter, godt humør og lever godt" skriv ein av vandrarane på facebooksida si. Vandringa starta i Hedalen laurdag 30. juni, og har som mål å nå fram til St.Tomaskyrkja no på laurdag. I ettermiddag (5. juli) kjem dei inn i Vang, med første stopp i Høre stavkyrkje, før dei går vidare til Åsvang for overnatting. I morgon fredag har dei ei morgonbøn i Heensåsen kyrkje og går Vennissida til Øye stavkyrkje til kveldsbøn der. Etter overnatting på Øye samfunnshus og morgonbøn i Øye kyrkje, går dei opp Rødalen og vidare over fjellet til St.Tomaskyrkja. Når pilegrimane går frå kyrkjene står kyrkjetenarane i tårnet og sender dei vidare med klangen frå kyrkjeklokkene. Samlingane i kyrkjene er opne for alle, og kjem dei forbi deg, så gje dei gjerne litt drikke. Det er varmt i dalen vår no.
Pilegrimsvandring gjennom Valdres
Årets pilegrimsvandring er godt i gang og snart kjem dei inn i Vang.
