Han har vore institusjonsprest på Riisby behandlingssenter i 7 år, følgd av eit vikariat i Etnedal før han fekk jobben i Øystre Slidre. Rett før han byrja vikariatet i Etnedal vart han spurd om å ha ei gudsteneste i Volbu kyrkje. Han drog innom kyrkjekontoret på Heggenes der han møtte dei tilsette. – Det var ein fin gjeng, så eg bestemte meg for å søke, seier Ola Viker Lunde. No ser han fram til eit godt samarbeid med dei andre tilsette.
Ein prest for alle
Han vil gå sakte fram i starten. - Det tar tid å sette seg inn i årshjulet og alle lokale tradisjonar og forventningar, seier Ola. Han meiner det blir viktig i starten og ikkje gripe over for mye, men å porsjonere og delegere dei ulike oppgåvene utover året.
De fem kyrkjene i Øystre Slidre gler han seg til å bli betre kjent med. Ola Viker Lunde er opptatt av arkitektur og historie, og seier at kvar av kyrkjene vil ha ei spennande historie å fortelje. Han gler seg også til å bidra til eit godt samarbeid mellom kyrkja og skulene. – Kyrkjelydane har eit veldig bra program for trusopplæringa, seier han og meiner kyrkja vil ha mange tema som vil vere aktuelle for dei lokale barna i skulen.
Den nye soknepresten gler seg til å møte både dei faste innbyggarane, men også dei mange gjestene som er i området der han ser at lyskapellet på Beitostølen blir eit spennande utgangspunkt. - Eg ønsker å vere ein prest for alle, seier han.
Med børsa klar
Når han ikkje er på arbeid likar Ola å lese, gå tur og lage mat. Tidlegare har han jakta småvilt og skutt med pistol. Etterkvart vil han gjerne prøve seg på leirdueskyting.
Hunden Solan er ein dunker, ei hunderase som er mykje brukt på harejakt. Men Solan er ingen jakthund. Han er ikkje interessert. Foto: Privat.
Ola Viker Lunde bur i Hov i Søndre Land. Han er gift med Hilde som arbeider som kyrkjeverje der. Dei har ei dotter på 10 år, Marianne som går på Odnes skule.
- Det er litt avstand frå heimstaden til Øystre Slidre men eg skal prøve å skaffe meg eit krypinn så snart det lar seg gjere, smiler Ola.
Vi ønskjer Ola velkomen, og lykke til som sokneprest i Øystre Slidre.
Fyrste preike i Øystre Slidre heldt Ola i Volbu kyrkje før han søkte stillinga. Foto: Hamar bispedømmeråd.
