I tillegg til vanlege høgmesser og familiegudstenester, har me også bønevandringsgudstenester og songgudstenester. Dessutan har me friluftsgudsteneste ved kyrkjesteinane på Tyssøy, og kystkulturgudsteneste i Trellevikbygnaden. Totalt har me 61 gudstenester i Sund sokn på søndagar og heilagdagar.
Dessutan har me nattverdgudstenester på Sundheimen og Solhaug sjukeheim ein gong i månaden, og ei kortare andaktsstund same stader ein gong i månaden.
På sjukeheimane får me god hjelp av Røde kors besøksvenner og aktivitør.
Me har dåpssamtaler med dåpsforeldre i Sund kyrkje og Kausland kyrkje 1-2 gonger i månaden.
Her kan det vera fleire foreldrepar til stades, og me orienterer både praktisk og innhaldsmessig om dåpen og dåpshandlinga.
Og så får sjølvsagt dåpsforeldra sleppa til med sine spørsmål.
Dessutan får dei med seg ein folder om barnearbeidet i Sund sokn og ein reklamefoldar frå «Tripp Trapp» (dåpsopplæringsmateriell).