Aldri åleine er eit trusopplæringsopplegg som er utvikla av Søndagsskulen Noreg, Acta/Normisjon og NLM Ung. Det er tiltenkt dei som er blitt litt for store for vanleg søndagsskule, men som enno ikkje er i konfirmantalder, dei som i våre tider no ofte blir kalla “tweens”, og som er frå 10 til 14 år (femte til åttande trinn).
Visjonen for Aldri åleine er “å skape trygge rom der tweens kan kjenne med hele seg at de har en identitet som Guds barn”, som det heiter i informasjonsmaterialet. Opplegget har fokus på fellesskap og på å bygga relasjonar, og ein ønskjer å oppnå at ungane skal bli trygge både på kven dei sjølve er, og også at dei skal læra meir om kven Jesus er og kva vi kristne eigentleg trur på. Målet, slik det er uttrykt i støttematerialet, er å legga til rette for at borna sjølve kan få utvikla «en trygg kvardagstru på Jesus».