Juleftan startar vi med gudsteneste ved Lesjaskog kyrkje kl. 13.00, fortset ved Lesjaverk kyrkje kl. 14.30 og avsluttar ved Lesja kyrkje kl. 16.00. Julemessene vil vare omlag ein halvtime. Juleevangeliet, bøn velsigning og sjølvsagt julesongar, akkompagnert av Iver Holsbrekken på trombone.
Klokka 17.00 kimer det i kyrkjeklokkene.
Sjølvsagt kan veret skape problem, men den sjansen må vi ta. Det viktigaste er at flest mogleg får ta del i julegudstenestene. Skulle vi hatt dei innandørs, ville det vore maks 50 stk i kvar kyrkje.
Nytt for året er ei julemarkering ved skulehuset i Råna, 23. desember kl. 17.00
Juledagane er det tradisjonelle gudstenester i Lesja kyrkje (1. juledag kl. 11.00) og i Lesjaskog kyrkje (2. juledag kl. 11.00)
På nyttårseftan blir det gudsteneste i Lesja kyrkje kl. 16.00, med Ingunn Hagen og Magnus Halle.
På utegudstenestene er deltakergrensa 200 stk, men på innandørsgudstenestene er grensa 50 stk. Når det er allsang innandørs, er det nå innført eit avstandskrav på 2 meter mellom folk som ikkje tilhøyrer same husstand. Utandørs er avstanden framleis 1 meter.
Alle som deltek, både inne og ute, vil bli registrert med namn og telefonnummer.
Vi må sjølvsagt ta høgde for at det kan koma endringar som følgje av koronarestriksjonar. Dette vil i tilfelle bli annonsert her på www.kirken.no/Lesja og på Facebook-sida Kyrkja i Lesja.