Fadrane skal vere vitne om at barnet er døypt med ein kristen dåp. Dei lover også å be for barnet og lære barnet å be. Dessutan skal fadrane hjelpe barnet til å verte kjende med bibelforteljingane og oppmuntre dei til å gå til nattverd.
Kvart barn som vert døypt, skal ha minst to fadrar. Fadrane må ha fylt 15 år og vere medlem av Den norske kyrkje, eller eit anna kyrkjesamfunn som ikkje forkastar barnedåp. Foreldra kan ikkje vere fadrar. Fadrane vert ført inn i kyrkjeboka.
Namna på faddarane må vere klart til dåpssamtalen (møtet med prest), som er ei tid i førekant av dåpen. Minst to av fadrane må vere til stades ved dåpshandlinga.
Å vere fadder fører ikkje til sivilrettsleg plikt, som til dømes å skulle overta omsorgsansvar for barnet viss foreldra døyr.
Vi ønskjer alle lukke til i den fine oppgåva med å vere fadder!