Fredag 19. juni
Helga startar med pilegrimsvandring frå Sollibotn til Eivindvik. Oppmøte er ved i Sollibotn rundt kl. 18.00. (når båten kjem) Herfrå vandrar vi saman inn mot kyrkjestaden i Eivindvik. Turen vert leia av kystpilegrimsprest Einar Vegge.
For dei som kjem frå Bergen, går båten frå Strandkaiterminalen kl. 16.30 med ankomst Sollibotn kl. 18.10. Dei som kjem med eigen bil kan møte direkte i Sollibotn.
Kl. 19.30 samlast vi til pilegrimsmesse i Gulen kyrkje.
Etter gudstenesta blir det eit enkelt kveldsmåltid, føredrag og samtale. Kvelden gir høve til å vere saman, dele erfaringar og finne ro i eit travelt liv.
Om Einar Vegge
Einar Vegge er prest i Den norske kyrkja og kystpilegrimsprest langs Kystpilegrimsleia. Han har gjennom mange år arbeidd med pilegrimstradisjonen og korleis vandring kan vere ein veg til fordjuping, refleksjon og tru.
Laurdag 20. juni
Laurdagen står open for eigne val og opplevingar.
Du kan nyte dagen i Eivindvik og ta del i Kaidagen arrangert av Ytre Sogn Kystlag, besøkje det historiske Gulatinget eller reise vidare til Kinn og oppleve Kinnaspelet – eit av dei mest særmerkte kultur- og kyrkjespela langs kysten.
Overnatting
Overnatting kan bestillast hos Eivindvik Brygge, som tilbyr trivelege rom med frukost. Deltakarar på pilegrimshelga får 10 % rabatt.
Telefon: 919 09 804
E-post: post@eivindvikbrygge.no
Det er reservert eit avgrensa tal rom fram til 20. mai 2026.
Transport
Frå Bergen fredag 19. juni
Avgang med båt frå Strandkaiterminalen kl. 16.30.
Ankomst Sollibotn kl. 18.10.
Vi kan hjelpe med transport frå kaien til Eivindvik og med bagasje dersom det er behov for det.
Retur laurdag 20. juni
Båt frå Sollibotn kl. 19.05.
For dei som ønskjer å reise vidare til Kinn, går det båt frå Sollibotn kl. 09.05 laurdag (ved minimum 10 reisande). Retur til Bergen er om lag kl. 17.00.
Hjarteleg velkomen
Pilegrimslivet handlar ikkje om å kome fort fram, men om å vere undervegs. Vi håpar du vil vere med på ei helg der det er rom for både stillheit, samtale, tru og fellesskap.
Har du spørsmål, er du velkomen til å ta kontakt.
Vi gler oss til å sjå deg i Eivindvik.