Tårnagentgudsteneste
Denne helga blir det truleg mellom 10 og 15 barn med på Tårnagent på laurdag. Mellom anna førebur dei seg då til gudstenesta.
Sundag kl.11:00 er sjølve Tårnagentgudstenesta. Denne gudstenesta er for alle, og vi håpar at heile kyrkjelyden vil slutte opp om og ta vel imot Tårnagentane og deira familiar.
Gudstenesta er barnevennleg med framsyning av Tårnagentsangen, tale som involverer nokre av barna, nattverd med bønnevandring og anna innhald med og for barn.
Bjørn Tore Sæle er liturg, Magnus Blom er organist, Anne Marit Fosse Dahle er med som ansvarleg for helga, og Solveig Westermoen er leiar for gudstenestelaget.
Det blir kyrkjekaffi med is og kaker etter gudstenesta, så her er berre å gle seg!
Takkofferet går til kyrkjelydsarbeidet lokalt.
VEL MØTT!