Dagens bibelord

Matteus 5,1–12

Dagens bibelord 01.11.2026

Matteus 5,1–12

¹  Go Jesus oinnii daid ollu olbmuid, de son manai várrái. Son čohkánii, ja máhttájeaddjit bohte su lusa. ²  De son sárdnugođii ja oahpahii sin ná:
³  Ávdugasat leat vuoiŋŋasteaset geafit,
dasgo almmi riika lea sin.
⁴  Ávdugasat dat geat moraštit,
dasgo sii ožžot jeđđehusa.
⁵  Ávdugasat leat vuollegaččat,
dasgo sii árbejit eatnama.
⁶  Ávdugasat dat geat nelgot ja goiket
vanhurskkisvuođa maŋŋái,
dasgo sii gallehuvvojit.
⁷  Ávdugasat dat geat leat váibmoláđđásat,
dasgo sii ožžot váibmoláđisvuođa.
⁸  Ávdugasat leat buhtisváimmogat,
dasgo sii besset oaidnit Ipmila.
⁹  Ávdugasat dat geat duddjojit ráfi,
dasgo sii gohčoduvvojit Ipmila mánnán.
¹⁰  Ávdugasat dat geat doarrádallojuvvojit
vanhurskkisvuođa dihte,
dasgo almmi riika lea sin.
¹¹  Ávdugasat lehpet dii go olbmot bilkidit ja doarrádallet din mu dihte, gielistit ja sárdnot bahá din birra juohke láhkái. ¹²  Illudehket ja ávvudehket, dasgo din bálká almmis lea stuoris. Nu sii doarrádalle profehtaidge ovdal din.

Kilde: www.bibel.no