Vigslingane vart gjort i Ørsta kyrkje 27. august og med fest for kyrkjelyden etter gudstenesta. Høgtida starta med vigslingsgudsteneste og pålegging av stola i Ørsta kyrkja, der presteskap og fellesrådets tilsette, kor, band og kyrkjelyd laga ei flott ramme rundt biskop Ingeborg si vigsling av dei to. Etter gudstenesta var det kyrkjekaffe med talar og gåveoverrekking. Dei to skal gjere teneste i Ørsta kyrkjelege fellesråd, der Betty Søvik no har ansvar for kyrkjelydane si omsorgsteneste medan Caroline Sefu har ansvar for undervisningtenesta.
– Det er høgtid når nokon i gjerning, forkynning og undervisning, og gjennom sitt kall og sine nådegåver, lover å legge fram Guds ord klårt og reint og gjennom det gjere Kristi kjærleik synleg mellom oss, seier undervisningsrådgjevar Bente Wangensten i Møre bispedøme, som var med under høgtidshandlinga.