T0 HalloTweens er nemleg ein kveld som både er ein T-dag for tiåringane, og ein «tweenskveld» for alle. Vi hadde også med oss ein fin gjeng med dyktige leiarar i alle aldrar, alt frå konfirmantar til pensjonistar.
Mange hadde kledd seg ut, både tweensarar og leiarar. Kvelden var fylt med masse kjekt og variert program, både fellessamlingar og sjølvvalgte aktivitetar. Mellom anna hadde vi BlimE-dansen, «capture the flag», «grip mikrofonen», jenteprategruppe, kiosk, andakt, ballspel, gaming, bordtennis og formingsgruppe.
Fleire var med på tweenskveld for aller fyrste gong. Vi håper alle fekk lyst til å bli med på tweensarbeidet vårt vidare, anten det er på «Lillelørdag» i Foldnes kyrkje, i tweenskoret i Landro kyrkje, eller på tweensklubben i Fjell kyrkje.
