Vemund Olav Aukrust er ein organist frå Lom. Han er i hovudsak klassisk utdanna, men trivast godt i lag med folkemusikarar, og har brei erfaring med ulike ensemble og sjangrar.
Vemund har gått kandidatstudiet i kyrkjemusikk og masterstudiet i utøvande orgel ved Norges Musikkhøgskole. Gjennom studieåra i Oslo og ved HMDK Stuttgart i Tyskland har han bygd opp kompetanse innan mellom anna klassisk orgelspel (solo, som ensemblemusikar og orkestersolist), improvisasjon, klassisk og rytmisk piano, cembalo, generalbass, arrangering, pedagogikk, korleiing, folkedans og folkemusikk. I sistnemnde sjanger har han vore ein del på farten med trøorgel i ulike konstellasjonar.
Han har fleire års røynsle med musisering og kulturformidling i kyrkjer og konsertsalar rundtom i Noreg, Sverige, Tyskland og Sveits, og med friluftslivsutdanning frå Høgskulen i Volda i botn er han framleis aktiv med naturformidling til fjells om sumrane.