Gravplassen er automatisk freda pga den ligg innan eit automatisk freda område, ei sikringssone til eit gamalt gardsanlegg. Det ligg fire gravhaugar frå eldre vikingtid innanfor gjerdet saman med dagens gravplass. Det er eit informasjonsskilt som fortel om dette forhistoriske gravfeltet ved parkeringsplassen, her blir gravhaugane tidsplassert til jernalderen (500 f.Kr – 1015 e.Kr).
I 1993 var formannskapet og soknerådet i god dialog og det var synfaring med arkeologisk museum m.fl. pga at gravplassen var i dårleg stand og måtte utbetrast. Det var mykje korrespondanse, befaring og diskusjonar mellom kultur-/regionalavdelinga i fylkeskommunen, kommune, sokneråd og arkeologisk museum pga fornminnene i området. Som eit resultat av dette vart dette gjort i 1994:
-
- Gjerdet mellom noverande gravplass og gravhaugane fjerna
- Nytt informasjonsskilt sett opp
- Gravhaugane restaurert («nennsomt»)
- Porten vart restaurert av Dalane folkemuseum
- Krattskog på gravrøysområdet vart tynna/rydda
- Sett opp nytt gjerde rundt – mur med gjerde oppå, port i nord-austleg hjørne
- Grovplanering til parkeringsplass
Det har i ettertid òg blitt inngått nødvendige avtalar med naboeigendomar i forhold bruk av grunn og innløysing av tilleggsareal til gravplassen.
I 2015 vart porten skifta. Den gamle vart erstatta med ein heilt lik port. Arbeidet vart utført av Børge Helland. Arkeologisk museum måtte godkjenne dette på førehand pga det forhistoriske gravfeltet.
Det siste som vart gjort på gravplassen var fjerning av fire tre i 2021, ei bjørk og tre lønn. Kommunen, fylkeskommunen og biskopen måtte godkjenne dette pga fredinga før dei kunne fellast. Grunnen til at trea vart fjerna var at dei hadde vokse seg store og ga utfordringar i samband med drift og vedlikehald.
I vår (2025) vart det sett opp eit søppelstativ ved gravplassen, laga av Uninor.