Sist onsdag den 22. oktober hadde me hjarterom for aller første gong. Me var til saman 14 menneske og denne gongen fekk me høyra litt om ein frå kyrkjelyden si livshistorie. Det var så kjekt å få lov å bli litt meir kjent.
Etter at me hadde kost oss med både drikke, vaflar og livsnære samtale, så gjekk dei som ønskte det inn i kyrkjerommet og hadde ein tidebønn.
På Hjarterom er det ingen krav eller forventningar. Berre eit ønske om å bli litt betre kjent med kvarandre, dela liv, tankar og erfaringar. Kanskje finn du ein ny vennskap, eller berre ein god prat over ein kopp kaffi eller te.
Om du ønskjer å bli med i teamet som arbeider med Hjarterom, så gjerne ta kontakt med diakoniarbeidar Renate Olsen Seim på telefon 93036160. Me treng fleire på laget!
Datoar hausten 2025:
- 5. november
- 19. november
- 3. desember
Vi møtest desse dagane, og held fram med nye datoar etter jul!
Alle er hjarteleg velkomne, anten du kjem åleine eller saman med nokon.
Velkommen til Hjarterom – ein stad med plass til deg!