Informasjon om vigsel
Bryllaup i kyrkja
Bryllaup er ein fest for kjærleiken. To menneske lovar å elska og æra kvarandre, og å halda saman i gode og vonde dagar resten av livet. Det handlar om dei to, men dei to står ikkje aleine. Løfta blir gitt med vitne til stades og framfor Gud.
Å inngå ekteskap eller vigsel er ei offentleg handling. Eit bryllaup i kyrkja kan vere enkelt eller påkosta. Brudefolka kan vere unge eller godt vaksne. Dei kan feire dagen med familie, slekt og venner, eller dei kan sei ja til kvarandre med berre prest og forlovarar til stades. Stort eller lite bryllaup – i kyrkja blir livet lagt fram for Gud med bøn om velsigning.
Kyrkjeleg vigsel er ei handling av gudstenesteleg karakter. Sjølv om handlinga er fastlagd, er det likevel mogleg å setja eit personleg preg på det som skjer i kyrkja, klikk på Valmogelegheiter for meir informasjon.
Dersom du ynskjer å gifta deg i ei av kyrkjene våre, kan du kontakta kyrkjekontoret på e-post: it645@kyrkja.no
Sjå elles kontaktar til prest og organistar under.
Datoar det er stengt for vigsel i sommarmånadane 2026:
11. og 25. juli
I tillegg kjem Palmelaurdag 28. mars, påskeafta 4. april, konfirmasjonsdagane 2. og 9. mai, og pinseafta 23. mai.
De må gjerne velja vekedagar!
De kan då ta kontakt med ein av prestane våre for å avtala tid og stad.
Informasjon om vigsel i Kvam finn du her;
