2 sundagen i advent var det lysmesse i Slidredomen. Tidlegare på dagen hadde tårnagentane boltra seg i kyrkja med skattejakt, flanellograf, klokkeringing og fleire andre aktivitetar som trusopplærer Geir hadde som opplegg for dagen.
9 flotte ungar var med på dagen i Slidredomen, som vart avslutta med ei stemningsfull lysmesse godt lagt opp av Berit Kristin i lag med konfirmantane.
Tårnagentane bidrog i messa med tekstlesing, song, lystenning og fortelling med flanellograf. Til slutt vart tårnagentane intervjua av og fekk diplom utdelt av trusopplæraren. Alle hadde kosa seg med leik, moro, god læring og god mat.
Takk for ein fin dag og ei fin messe!